ACTOREGEN

Qo‘llanilishi

Quyidagilarni majmuaviy davolash tarkibida:
– kognitiv buzilishlarni, shu jumladan insultdan keyingi kognitiv buzilishlarni va demensiyani davolashda;
– periferik qon aylanishining buzilishlari va ularning oqibatlarini davolashda;
– diabetik polineyropatiyani davolashda qo‘llaniladi.
 
Qo‘llash usuli va dozalari

Preparatni arteriya ichiga, vena ichiga (jumladan, infuziya ko‘rinishida) va mushak ichiga qo‘llash mumkin. 
Klinik holatning og‘irlik darajasiga bog‘liq ravishda, avvaliga preparatni har kuni 10-20 ml dan vena ichiga yoki arteriya ichiga yuborish zarur; keyingi davolash uchun esa har kuni yoki haftada bir necha marta 5 ml dan vena ichiga yoki mushak ichiga asta-sekin yuboriladi. 
Infuzion yuborish uchun 10 ml dan 50 ml gacha preparatni 200–300 ml asosiy eritmaga (natriy xloridining izotonik eritmasiga yoki glyukozaning 5% li eritmasiga) qo‘shish lozim. Infuziya tezligi taxminan minutiga 2 ml bo‘lishi kerak. 
Mushak ichiga in’eksiyalar uchun 5 ml dan ortiq bo‘lmagan holda preparatdan foydalaniladi, bu eritma gipertonik bo‘lganligi uchun asta-sekin yuborish lozim.
Ishemik insultning o‘tkir davrida (5-7 kundan boshlab) 2000 mg dan vena ichiga tomchilab 20 infuziyagacha yuboriladi va keyinchalik tabletka ko‘rinishida bir kunda 3 marta 2 tabletkadan (kuniga 1200 mg) qabul qilishga o‘tkaziladi. Davolashning umumiy davomiyligi 6 oyni tashkil etadi.
Demensiya sutkada 2000 mg dan vena ichiga tomchilab yuboriladi. Davolash 4 haftagacha davom etadi. 
Periferik qon aylanishining buzilishlari va ularning oqibatlari sutkada 800–2000 mg dan arteriya ichiga yoki vena ichiga tomchilab yuboriladi. Davolash 4 haftagacha davom etadi.
Diabetik polinevropatiya sutkada 2000 mg dan vena ichiga tomchilab 20 ta infuziya yuboriladi va keyinchalik tabletka ko‘rinishida bir kunda 3 marta 3 tabletkadan (kuniga 1800 mg) qabul qilishga o‘tkaziladi. Davolash davomiyligi 4 oydan 5 oygachani tashkil etadi.